୪ ଯବାନ ସହିଦ

ଜାମ୍ମୁ ଓ କାଶ୍ମୀରରେ ଥମୁନି ଆତଙ୍କବାଦ। ଡୋଡାରେ ଆତଙ୍କବାଦୀଙ୍କ ଗୁଳିରେ ଆର୍ମି ଅଫିସର ଓ ୩ ଯବାନ ସହିଦ। ଦେଶା ଜଙ୍ଗଲ ଇଲାକାରେ ହୋଇଛି ଗ୍ରେନେଡ ହମଲା। ହମଲା ପରେ ସେନା ଓ ଜାମ୍ମୁ କାଶ୍ମୀର ପୋଲିସର ବ୍ଯାପକ ସର୍ଚ୍ଚ ଅପରେସନ ଜାରି ରହିଛି। ଗତ ୩୨ ମାସ ମଧ୍ଯରେ ଗଲାଣି ୪୦ ଯବାନଙ୍କ ଜୀବନ। ସ୍ଥାନୀୟ ଅଞ୍ଚଳରେ ୬୦ ବିଦେଶୀ ଆତଙ୍କବାଦୀ ଲୁଚିଥିବା ସୂଚନା ମିଳିବା ପରେ ସେଠାରେ କରାଯାଇଥିଲା ସର୍ଚ୍ଚ ଅପରେସନ। ତେବେ ଯବାନଙ୍କ ଉପରକୁ ଆତଙ୍କବାଦୀମାନେ ହମଲା କରିଥିଲେ। ଡୋଡା ସହରଠାରୁ ୫୫ କିଲୋମିଟର ଦୂର ଦେସା ଜଙ୍ଗଲ ଇଲାକାରେ ଧାରି ଗୋଟେ ଉରାରବାଗି ଅଞ୍ଚଳରେ ସ୍ପେସାଲ ଅପରେସନ ଗ୍ରୁପ ଓ ଜାମ୍ମୁ ଓ କାଶ୍ମୀର ପୋଲିସ ପକ୍ଷରୁ ଜଏଣ୍ଟ କର୍ଡନ ଓ ସର୍ଚ୍ଚ ଅପରେସନ ଚାଲିଥିବାବେଳେ ଆକ୍ରମଣ କରିଥିଲେ ଆତଙ୍କବାଦୀ। ଏହି ଘଟଣାରେ ୫ ଜଣ ଯବାନ ଆହତ ହୋଇଥିବାବେଳେ ୪ ଜଣ ପ୍ରାଣ ହରାଇଥିଲେ। ସେପଟେ ଏହି ଆତଙ୍କୀ ହମଲା ଲାଗି ନିଜକୁ ଦାୟୀ କରିଛି କାଶ୍ମୀର ଉପତ୍ଯକାର କାଶ୍ମୀର ଟାଇଗର୍ସ ନାମକ ଏକ ଆତଙ୍କୀ ସଂଗଠନ।