କରୋନା ୩ୟ ତରଙ୍ଗ ଆଶଙ୍କା ! ବିହାରରେ ୨୪ ଘଣ୍ଟାରେ ୪ ଶିଶୁ ମୃତ, ଜଣଙ୍କ ଠାରେ କୋଭିଡ ଲକ୍ଷଣ

ବିହାର ୩୧/୫: ବିହାର ଦରଭଙ୍ଗା ମେଡିକାଲ କଲେଜରେ ୪ ଶିଶୁଙ୍କର ମୃତ୍ୟୁ ଘଟିଛି। ସେମାନଙ୍କ ମଧ୍ୟରୁ ଜଣେ ଶିଶୁ କରୋନା ସଂକ୍ରମିତ ଚିହ୍ନଟ ହୋଇଥିଲା। ମାତ୍ର ଅନ୍ୟ ୩ ଜଣ ଶିଶୁଙ୍କ କରୋନା ରିପର୍ଟେ ନେଗେଟିଭ ଆସିଥିଲା। ଏହାରି ଭିତରେ ଦେଖାଦେଲାଣି ତୃତୀୟ ଲହର ସଂକଟ । ଦରଭଙ୍ଗା ମେଡିକାଲ କଲେଜ ହସପିଟାଲର କର୍ତ୍ତୃପକ୍ଷଙ୍କ କହିବା ମୁତାବକ, ପିଲାମାନେ ନିଶ୍ୱାସ ନେବାରେ ଅସୁବିଧାର ସମ୍ମୁଖୀନ ହୋଇଥିଲେ । ସେମାନଙ୍କଠାରେ ନିମୋନିଆ ଭଳି ଲକ୍ଷଣ ରହିଥିଲା । ପିଲାମାନଙ୍କର ଅବସ୍ଥା ଅତ୍ୟନ୍ତ ଗୁରୁତର ଥିଲା। ଡାକ୍ତରଖାନା ଅନୁଯାୟୀ, ଚାରି ପିଲାଙ୍କ ମଧ୍ୟରୁ ଜଣେ କରୋନା ପଜିଟିଭ୍ ହୋଇଥିବାବେଳେ ଅବଶିଷ୍ଟ ତିନିଜଣ କୋଭିଡ ରିପୋର୍ଟ ନେଗେଟିଭ ଥିଲା । ଦେଶରେ କରୋନା ସ୍ଥିତି ନିୟନ୍ତ୍ରଣକୁ ଆସୁଥିବାବେଳେ ଏପରି ସ୍ଥିତିରେ ୨୪ ଘଣ୍ଟାରେ ୪ ପିଲାଙ୍କ ଜୀବନ ଯିବା ଚିନ୍ତାର ବିଷୟ ପାଲଟିଛି । ସେପଟେ ଏହି ଘଟଣା ପରେ ପିଲାମାନଙ୍କ ମୃତ୍ୟୁକୁ ନେଇ ପ୍ରଶ୍ନ ଜନ ଆଦିକର ପାର୍ଟି ସଭାପତି ପପୁ ଯାଦବ । ସେ ଟ୍ୱିଟ୍ କରି ଲେଖିଛନ୍ତି ଯେ କରୋନାରୁ DMCH ଦରଭଙ୍ଗାରେ କରୋନା ନେଇଛି ଚାରି ପିଲାଙ୍କ ଜୀବନ । ପ୍ରଥମ ଥର ପାଇଁ ଏଭଳି ସଂଖ୍ୟକ ପିଲା କରୋନା ଶିକାର ହୋଇଛନ୍ତି। ଏଥିରୁ ସ୍ପଷ୍ଟ ହେଲାଣି ଯେ, କରୋନାର ତୃତୀୟ ଲହର ଆରମ୍ଭ ହୋଇଗଲାଣି ।