ବିଦାୟ ମନମୋହନ ସିଂ…….. ଭାରତର ପୂର୍ବତନ ପ୍ରଧାନମନ୍ତ୍ରୀ । ବିଶ୍ୱ ପ୍ରସିଦ୍ଧ ଅର୍ଥନୀତିଜ୍ଞ ଡକ୍ଟର ମନମୋହନ ସିଂଙ୍କ ଦେହାନ୍ତ ହୋଇଛି।ତାଙ୍କ ପରଲୋକରେ ଦେଶ ତଥା ବିଦେଶରେ ଶୋକର ଲହରୀ ଖେଳିଯାଇଛି। ତାଙ୍କର ସରଳ ବ୍ୟକ୍ତିତ୍ୱ ଏବଂ ଦୂରଦୃଷ୍ଟି ସହିତ ତାଙ୍କ କାର୍ଯ୍ୟକାଳ ମଧ୍ୟରେ ଭାରତର ଅର୍ଥନୈତିକ ନୀତିରେ ଐତିହାସିକ ସଂସ୍କାର ଆଣିଥିଲେ। ଯାହା ଆଜି ପର୍ଯ୍ୟନ୍ତ ତାଙ୍କୁ ମାର୍ଗଦର୍ଶନ ଜାରି ରଖିଛି। ତାଙ୍କର ଅବଦାନକୁ ମନେ ପକାଇ ଅନେକ ଜାତୀୟ ବ୍ୟକ୍ତିତ୍ୱ ଗଭୀର ସମବେଦନା ଜଣାଇଥିଲେ। ମନମୋହନଙ୍କ ଦେହାନ୍ତରେ କେବଳ ଭାରତ ନୁହେଁ ବିଶ୍ୱ ମଧ୍ୟ ଜଣେ ମହାନ ନେତା ତଥା ଚିନ୍ତକଙ୍କୁ ହରାଇଛି। ନେତା, ମନ୍ତ୍ରୀଙ୍କ ଠାରୁ ଆରମ୍ଭ କରି ଫିଲ୍ମ ସେଲିବ୍ରିଟିଙ୍କ ମଧ୍ୟରେ ଶୋକର ଛାୟା ଖେଳିଯାଇଥିବା ବେଳେ ସୋସିଆଲ ମିଡିଆ ଜରିଆରେ ଶ୍ରଦ୍ଧାଞ୍ଜଳୀ ଜଣାଇଛନ୍ତି ।
ଦେଶ ଯେତେବେଳେ ଗୁରୁତର ଆର୍ଥିକ ସଙ୍କଟ ଦେଇ ଗତି କରୁଥିଲା ସେତେବେଳେ ତାଙ୍କର ବିଚକ୍ଷଣ ଦକ୍ଷତା ଯୋଗୁ ଅନେକ ମାତ୍ରାରେ ସୁଧାର ଆସିଥିଲା । ଦେଶର ଅର୍ଥନୀତି ପୁଣି ଟ୍ରାକ୍କୁ ଫେରିଥିଲା । ମନମୋହନ ସିଂହଙ୍କ ପରଲୋକ ଭାରତ ପାଇଁ ଏକ ଅପୂରଣୀୟ କ୍ଷତି ।
