ସ୍ମାର୍ଟ ସିଟି ତରଫରୁ ରାଜଧାନୀର ମାଷ୍ଟର କ୍ୟାଣ୍ଟିନର ରାସ୍ତାକୁ ପ୍ରଶସ୍ତିକରଣ କରିବା ପାଇଁ ସଂସ୍କତି ବିଭାଗକୁ ଗତ ୬ ମାସ ତଳେ ଏକ ଚିଠି ଲେଖିଥିଲା ସ୍ମାର୍ଟ ସିଟି । ଶେଷରେ ସଂସ୍କତି ବିଭାଗ ଏଥିରେ ମୋହର ମାରିବା ସହ ଘୋଡାକୁ ବିକଳ୍ପ ଭାବେ ରାଜଭବନ ଛକ ନିକଟକୁ ସ୍ଥାନାନ୍ତରଣ କରାଯିବ ବୋଲି ସୂଚନା ଦେଇଛି । ତେବେ ଏହି ପ୍ରକ୍ରିୟା ପାଇଁ ପାଖାପାଖି ଏକ ମାସ ସମୟ ଲାଗିବ । ସ୍ମାର୍ଟ ଜନପଥ କାର୍ଯ୍ୟରେ ମାଷ୍ଟରକ୍ୟାଣ୍ଟିନ ଠାରେ ମଲଟି ମୋଡାଲ ହବ୍ ହେବା ନେଇ ଯୋଜନା ଥିବାରୁ ଏହାର ସ୍ଥାନାନ୍ତରଣ କରାଯିବା ଜରୁରୀ ବୋଲି କହିଛନ୍ତି ସଂସ୍କୃତି ବିଭାଗ ନିର୍ଦ୍ଦଶକ । କାରଣ ମଲଟି ମୋଡାଲ ହବ୍ ହେବା ପରେ ମାଷ୍ଟର କ୍ୟାଣ୍ଟିନ ଛକରେ ଏହି ଘୋଡାର ଭିଜିବିଲିଟି କମିଯିବା ସହ ଏହି ସ୍ଥପତ୍ୟ ଲୁଚିଯିବାର ସମ୍ଭାବନା ଥିବାରୁ ଏହାକୁ ସ୍ଥାନାନ୍ତରଣ କରାଯିବା ପାଇଁ ନିଷ୍ପତ୍ତି ହୋଇଛି । ତେବେ ଏହି ଘଟଣାରେ କୌଣସି ପ୍ରତିକ୍ରିୟା ରଖିନାହାଁନ୍ତି ସ୍ମାର୍ଟସିଟି ସିଇଓ ତଥା ବିଡିଏ ଉପାଧ୍ୟକ୍ଷ ସଂଞ୍ଜୟ ସିଂ।