ନୂଆଦିଲ୍ଲୀ, ୯।୫ ସିକର ଜିଲ୍ଲା ଅନ୍ତର୍ଗତ ଏକ ଗାଁର ଗ୍ରାମବାସୀ କରୋନା ରୋଗୀଙ୍କୁ ବିନା କୋଭିଡ୍ ପ୍ରୋଟୋକଲରେ ପୋତି ଦେଇଥିଲେ । ପରବର୍ତ୍ତୀ ସମୟରେ ୨୧ ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ଗତ ଏପ୍ରିଲ ୧୫ରୁ ମେ ୫ ମଧ୍ୟରେ କରୋନାରେ କେବଳ ୪ ଜଣ ମୃତ୍ୟୁବରଣ କରିଥିବା ଜଣେ ଅଧିକାରୀ ଦାବି କରିଛନ୍ତି । ଅଧିକାରୀ ଜଣକ କହିଛନ୍ତି ଯେ, ଗତ ମାସ ୨୧ ତାରିଖରେ ସିକର ଜିଲ୍ଲାରେ ଜଣେ ବ୍ୟକ୍ତିଙ୍କ ଅନ୍ତିମ ସଂସ୍କାରରେ ୧୫୦ ଜଣ ଭାଗ ନେଇଥିଲେ । କୌଣସି ବ୍ୟକ୍ତି କୋଭିଡ୍ ଗାଇଡଲାଇନକୁ ଅନୁସରଣ କରିନଥିଲେ । ମୃତଦେହକୁ ପ୍ଲାଷ୍ଟିକ ବ୍ୟାଗରୁ ବାହାରକୁ ଆଣିବା ସମୟରେ ଅନେକ ଲୋକ ଶବକୁ ସ୍ପର୍ଶ କରିଥିଲେ ।