ସରକାରୀ ଟେଲିକମ କମ୍ପାନୀ ବିଏସଏନଏଲ ନିକଟରେ ଆଇପିଏଲ ସିରିଜରେ କ୍ରିକେଟପ୍ରେମୀଙ୍କ ପାଇଁ ୨ଟି ନୂଆ ପ୍ଲାନ ଜାରି କରିଛି | ଏହି ୨ଟି ପ୍ଲାନର ମୂଲ୍ୟ ୧୯୯ ଏବଂ ୪୯୯ ଟଙ୍କା | ଏହି ପ୍ଲାନରେ ଦିନକୁ ୧ଜିବି ଡାଟା ମିଳିବ | ଏବେ ରିଲାଏନ୍ସ ଜିଓ ମଧ୍ୟ କ୍ରିକେଟପ୍ରେମୀଙ୍କ ପାଇଁ କ୍ରିକେଟ ପ୍ୟାକ ଜାରି କରିଛି | ଯାହାଫଳରେ ଜିଓ ୟୁଜର୍ସ ଆଇପିଏଲର ମଜା ଉଠାଇ ପାରିବେ | ଏହି ନୂଆ ପ୍ଲାନର ମୂଲ୍ୟ ୨୫୧ ଟଙ୍କା |
ଆସନ୍ତା ସେପ୍ଟେମ୍ବର ୧୯ ତାରିଖରୁ ଆରମ୍ଭ ହେବ ଆଇପିଏଲ ମ୍ୟାଚ । ଚଳିତ ବର୍ଷ କରୋନା କଟକଣା ପାଇଁ ଫିଲ୍ଡରେ କେବଳ ଖେଳାଳିମାନଙ୍କୁ ଦେଖିବାକୁ ମିଳିବ । କ୍ରିକେଟ ପ୍ରେମି ଏହାକୁ କେବଳ ଡିଜିଟାଲ ପ୍ଲାଟଫର୍ମରେ ଦେଖିପାରିବେ। ତେଣୁ ମୋବାଇଲରେ ଲାଇଭ ଷ୍ଟ୍ରିମିଙ୍ଗ ଦେଖିବାକୁ ଅପେକ୍ଷା କରିଥିବା କ୍ରିକେଟ ପ୍ରେମୀଙ୍କ ପାଇଁ ରିଲାଏନ୍ସ ଜିଓ ତିନିଟି ପ୍ରି-ପେଡ୍ ପ୍ଲାନ ଲଞ୍ଚ କରିଛି। କ୍ରିକେଟ୍ ପ୍ରଶଂସକଙ୍କୁ ଧ୍ୟାନରେ ରଖି ଏହି ତିନିଟି ଯୋଜନା ଆରମ୍ଭ କରାଯାଇଛି। ଏହି ନୂତନ ଯୋଜନାଗୁଡିକରେ, ଜିଓ ପ୍ରି-ପେଡ୍ ବ୍ୟବହାରକାରୀମାନେ ଡିଜ୍ନି ସହ ହଟଷ୍ଟାରର ଏକ ବର୍ଷର ସବସ୍କ୍ରିପସନ ପାଇବେ କମ୍ପାନୀର କହିବା ଅନୁଯାୟୀ, ଜିଓର ୪୦୧ ଟଙ୍କା ଯୋଜନାରେ ୨୮ ଦିନର ବୈଧତା ମିଳିବ ଏବଂ ପ୍ରତିଦିନ ୩ ଜିବି ଡାଟା ଉପଲବ୍ଧ ହେବ।
ଏହା ଛଡା ଆପଣ ଯଦି ଦୈନିକ ୩ ଜିବି ଡାଟା ବ୍ୟବହାର କରୁଛନ୍ତି , ତେବେ କମ୍ପାନୀ ଦ୍ୱାରା ୬ଜିବି ଅତିରିକ୍ତ ଡାଟା ଦିଆଯିବ । ଏହି ପ୍ଲାନ ସେମାନଙ୍କ ପାଇଁ ଲଞ୍ଚ କରାଯାଇଛି ଯେଉଁମାନେ ପ୍ରତିଦିନ ବହୁତ ଡାଟା ବ୍ୟବହାର କରୁଛନ୍ତି। ସେହିପରି ଅନ୍ୟ ଏକ ପ୍ଲାନ ହେଉଛି ୪୯୯ ଟଙ୍କାର କ୍ରିକେଟ୍ ପ୍ୟାକ । ଏହା କ୍ରିକେଟ ପାଇଁ ଏକ ସ୍ୱତନ୍ତ୍ର ପ୍ୟାକ । ଏଥିରେ ଏକ ବର୍ଷର ଡିଜ୍ନି ଓ ହଟଷ୍ଟାର୍ ସବସ୍କ୍ରିପସନ୍ ଦିଆଯାଉଛି । ଜିଓ ୱେବସାଇଟ୍ ଅନୁଯାୟୀ, ଏହି ଯୋଜନାରେ ଅନଲିମିଟେଡ ବା ଅସୀମିତ କ୍ରିକେଟ୍ କଭରେଜ୍ ଉପଲବ୍ଧ ହେବ। ତେବେ ୪୯୯ ଟଙ୍କା ରିଚାର୍ଜ ଯୋଜନାରେ ପ୍ରତିଦିନ ୧.୫ ଜିବି ଡାଟା ଉପଲବ୍ଧ ହେବ । ଏହି ପ୍ଲାନର ବୈଧତା ୫୬ ଦିନ ହେବ । ଏହି ପ୍ଲାନରେ ଏସଏମଏସ ଓ ଭଏସ ସୁବିଧା ଯୋଗାଇ ଦିଆଯିବ ନାହିଁ । ୭୭୭ ଟଙ୍କା ରିଚାର୍ଜ ପ୍ଲାନରେ ଏକ ବର୍ଷର ଡିଜନି ଓ ହଟଷ୍ଟାର ସବସ୍କ୍ରିପସନ୍ ମଧ୍ୟ ଉପଲବ୍ଧ ହେବ କିନ୍ତୁ ୪୯୯ ଟଙ୍କା ପ୍ଲାନ ବ୍ୟତୀତ ଜିଓ ବ୍ୟବହାରକାରୀଙ୍କୁ ଏଥିରେ ଭଏସ୍ ଏବଂ ଡାଟା ସୁବିଧା ଦିଆଯିବ। ଏହା ଏକ ତିନି ମାସର ଯୋଜନା ହେବ, ଯେଉଁଥିରେ ୧୩୧ ଜିବି ଡାଟା, ଅନ ଲିମିଟେଡ କଲିଂ ଏବଂ ଜିଓ ଆପ୍ସ ବ୍ୟବହାର ସୁବିଧା ଦିଆଯିବ । ଏହି ପ୍ଲାନିଙ୍ଗର ବୈଧତା ୮୪ ଦିନ ରହିବ ।