ନୂଆଦିଲ୍ଲୀ ୧୭/୬: ଆପଣ ମହଙ୍ଗା ଗ୍ୟାସ୍ ସିଲିଣ୍ଡର ଯୋଗୁଁ ଚିନ୍ତାରେ ଅଛନ୍ତି କି ? ଆପଣଙ୍କ ପାଖରେ ୩୦ ଜୁନ୍ ସୁଦ୍ଧା ଶସ୍ତା ରୋଷେଇ ଗ୍ୟାସ୍ କିଣିବାର ସୁଯୋଗ ରହିଛି । ପେଟିଏମ୍ ନିଜ ଗ୍ରାହକଙ୍କ ପାଇଁ ଏକ ବଡ ଅଫର ନେଇଆସିଛି । ଯଦି ଗ୍ରାହକ ୩୦ ଜୁନ୍ ପୂର୍ବରୁ ପେଟିଏମ୍ ଆପରୁ ଗ୍ୟାସ୍ ସିଲିଣ୍ଡର ବୁକିଂ କରୁଛନ୍ତି ତେବେ ସେମାନଙ୍କୁ ଶସ୍ତାରେ ସିଲିଣ୍ଡର ମିଳିଯିବ । ପେଟିଏମ୍ ଦ୍ୱାରା ଦିଆଯାଇଥିବା ସୂଚନା ଅନୁସାରେ ଭାରତ ଗ୍ୟାସ୍, ଏଚପି ଗ୍ୟାସ୍ ଓ ଇଣ୍ଡେନ୍ ଗ୍ୟାସର ଗ୍ରାହକ ଏହି ଅଫରର ଲାଭ ଉଠାଇପାରିବେ ।
ଗ୍ୟାସ୍ ସିଲିଣ୍ଡର ଦାମ୍ ୮୦୯ ଟଙ୍କା
ପେଟିଏମର ଅନଲାଇନ୍ ଏଲପିଜି ଗ୍ୟାସ୍ ବୁକିଂ ସେବା ସହିତ ଆପଣ ମାତ୍ର କିଛି କ୍ଲିକରେ ନିଜ ଘର ସୁବିଧା ଅନୁସାରେ ଗୋଟିଏ ସିଲିଣ୍ଡର ଅର୍ଡର କରିପାରିବେ । ୧୪.୨ କିଲୋ ଗ୍ୟାସର ଦାମ୍ ଦିଲ୍ଲୀରେ ଜୁନ୍ ୨୦୨୧ରେ ୮୦୯ ଟଙ୍କା । ଯଦି ଆପଣଙ୍କୁ ପେଟିଏମର ବର୍ତ୍ତମାନ ଅଫରରେ ୮୦୦ ଟଙ୍କାର କ୍ୟାଶବ୍ୟାକ୍ ମିଳୁଛି ତେବେ ଆପଣଙ୍କୁ ପ୍ରାୟ ମାଗଣାରେ ଗୋଟିଏ ସିଲିଣ୍ଡର ମିଳିବ ।
ଅଫରର ସମୟ ସୀମା ୩୦ ଜୁନ୍
ଏହି ଅଫର ବିଶେଷ ରୂପେ ସେହି ଗ୍ରାହକଙ୍କ ପାଇଁ ଉପଲବ୍ଧ ଯେଉଁମାନେ ପେଟିଏମ୍ ସହିତ ପ୍ରଥମ ଥର ଏଲପିଜି ସିଲିଣ୍ଡର ବୁକ୍ କରୁଛନ୍ତି । ଏହି ଅଫରର ଲାଭ ନେବା ପାଇଁ ଆପଣଙ୍କୁ ପ୍ରୋମୋ କୋଡ୍ FIRSTLPG ପ୍ରୋମୋ ସେକ୍ସନରେ ଟାଇପ୍ କରିବାକୁ ହେବ । ବୁକିଂର ୨୪ ଘଣ୍ଟା ଭିତରେ ଆପଣଙ୍କୁ କ୍ୟାଶବ୍ୟାକ୍ ସ୍କ୍ରାଚ୍ କାର୍ଡ ମିଳିବ । ଅଫରର ଲାଭ ଉଠାଇବା ପାଇଁ ଏହି ସ୍କ୍ରାଚ୍ କାର୍ଡକୁ ପ୍ରାପ୍ତ ହେବାର ୭ ଦିନ ଭିତରେ ଉପଯୋଗ କରାଯିବା ଉଚିତ୍ । ପେଟିଏମ୍ ଆପର ବ୍ୟବହାର କରି ପ୍ରଥମ ଥର ଏଲପିଜି ସିଲିଣ୍ଡର ଅର୍ଡର କରୁଥିବା ଗ୍ରାହକଙ୍କୁ ୮୦୦ ଟଙ୍କା ପର୍ଯ୍ୟନ୍ତ କ୍ୟାଶବ୍ୟାକ୍ ମିଳିବ । ଅଫରର ସମୟ ସୀମା ୩୦ ଜୁନ୍ ୨୦୨୧ ।