ଲଣ୍ଡନ ୪।୬: ସାରା ଦେଶ ପିଲାଙ୍କ ଉପରେ ନୂଆ କରୋନା ଷ୍ଟ୍ରେନର ପ୍ରଭାବକୁ ନେଇ ଚିନ୍ତାରେ ଅଛି। ଏହାକୁ ଦୃଷ୍ଟିରେ ରଖି ଛୋଟ ପିଲାମାନଙ୍କୁ ଟୀକାକରଣ ପାଇଁ ମଧ୍ୟ ଚେଷ୍ଟା କରାଯାଉଛି। ଏହି କ୍ରମରେ, ବ୍ରିଟେନର ମେଡିସିନ୍ ରେଗୁଲେଟୋରୀ ବଡି ଆମେରିକୀୟ ଫାର୍ମା କମ୍ପାନୀ ପିଫାଇଜରର ଟିକାକୁ ୧୨-୧୫ ବର୍ଷ ବୟସର ପିଲାମାନଙ୍କରେ ବ୍ୟବହାର କରିବାକୁ ଅନୁମତି ଦେଇଛି । ଦେଶର ରେଗୁଲେଟୋରୀ ଅଥୋରିଟୀ ଏହି ଟିକାକୁ ଏହି ବୟସ ଶ୍ରେଣୀ ପାଇଁ ସମ୍ପୂର୍ଣ୍ଣ ସୁରକ୍ଷିତ ବୋଲି କହିଛନ୍ତି।କର୍ତ୍ତୃପକ୍ଷ କହିଛନ୍ତି – ଆମେ ଏହି ଟିକାକୁ ନେଇ ୧୨ରୁ ୧୫ ବର୍ଷ ବୟସର ପିଲାମାନଙ୍କଠାରେ ସଫଳତାର ସହ ପରୀକ୍ଷା କରିଛୁ। ଏହି ଟିକା ଏହି ବୟସ ଶ୍ରେଣୀ ପାଇଁ ସମ୍ପୂର୍ଣ୍ଣ ସୁରକ୍ଷିତ ଏବଂ ପ୍ରଭାବଶାଳୀ ବୋଲି ଜଣାପଡିଛି। ଏଥିରେ କୌଣସି ପ୍ରକାରର ବିପଦ ନାହିଁ। ତେବେ ବର୍ତ୍ତମାନ ଦେଶରେ ଟୀକାକରଣର ବିଶେଷଜ୍ଞ କମିଟି ଉପରେ ନିର୍ଭର କରେ ଯେ ସେମାନେ ଏହି ବୟସ ଶ୍ରେଣୀରେ ଟୀକାକରଣକୁ ଅନୁମତି ଦେବେ କି ନାହିଁ।