ଅଷ୍ଟ୍ରେଲିଆ ମଙ୍ଗଳବାରଠାରୁ ଭାରତରେ ଜାରି ରହିଥିବା କୋଭିଡ୍ ସଂକ୍ରମଣ କୁ ନଜରରେ ରଖି ଭାରତରୁ ସମସ୍ତ ସିଧା ଯାତ୍ରୀବାହୀ ବିମାନ ଉଡ଼ାଣ ଉପରେ ରୋକ ଲଗାଇଛି। ପ୍ରଧାନମନ୍ତ୍ରୀ ସ୍କଟ୍ ମାରିସନଙ୍କ ତରଫରୁ ଏହି ନିଷ୍ପତ୍ତି ନିଆଯାଇଛି। ନିଷ୍ପତ୍ତି ଅନୁଯାୟୀ ଆସନ୍ତା ମେ’ ୧୫ ତାରିଖ ପର୍ଯ୍ୟନ୍ତ ଭାରତରୁ କୌଣସି ବିମାନ ଅଷ୍ଟ୍ରେଲିଆ ଯିବ ନାହିଁ।ପୂର୍ବରୁ ଥାଇଲାଣ୍ଡ, ସିଙ୍ଗାପୁର, ବାଂଲାଦେଶ ଓ ବ୍ରିଟେନ ଭଳି କେତେକ ଦେଶ ଭାରତରୁ ହେବାକୁ ଥିବା ବିମାନ ଯାତ୍ରା ଉପରେ ପ୍ରତିବନ୍ଧକ ଲଗାଇ ଦେଇଛନ୍ତି। ଭାରତରେ ଗତ ୬ ଦିନ ଭିତରେ ସଂକ୍ରମଣର ନୂଆ ମାମଲା ୩ ଲକ୍ଷ ପାର୍ ହୋଇଯାଇଛି। ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ପ୍ରମୁଖ ଅଧନମ୍ ଘେବ୍ରେସସ୍ କହିଛନ୍ତି, ‘ବିଶ୍ୱର ଦ୍ୱିତୀୟ ଜନବହୁଳ ଦେଶ ଭାରତରେ ମହାମାରୀ କାରଣରୁ ସ୍ଥିତି ହୃଦୟ ବିଦାରକ ରହିଛି’।
Subscribe to our newsletter
Sign up here to get the latest news, updates and special offers delivered directly to your inbox.