ବ୍ୟକ୍ତିଗତ କାରଣ ଦର୍ଶାଇ ଚଳିତ ଆଇପିଏଲରୁ ଓହରିଛନ୍ତି ହରଭଜନ ସିଂ। ଏହା ଦଳ ପାଇଁ ନିଶ୍ଚିତ ରୂପେ ଭଲ ଖବର ନୁହେଁ। ହରଭଜନ ସିଂ ସିଏସକେ ଟିମ୍ ସହ ୟୁଏଇ ଯାତ୍ରା କରିନଥିଲେ। ସେବେଠାରୁ ହିଁ ସେ ଆଇପିଏଲ ଖେଳିବେ ନା ନାଇଁ ଏନେଇ ସନ୍ଦେହରେ ଥିଲେ ପ୍ରଶଂସକ। ଭଜି ନ ଖେଳିଲେ ବି ସିଏସକେ ପାଖରେ ଇମ୍ରାନ୍ ତାହିର, ପିୟୁଷ ଚାୱଲା ଏବଂ ମିଚେଲ୍ ସାଣ୍ଟନରଙ୍କ ଭଳି ସ୍ପିନର ରହିଛନ୍ତି। ତେବେ ଭଜିଙ୍କ ବଡ଼ ଅଭିଜ୍ଞତାକୁ ସିଏସକେ ହରାଇବ।
ବ୍ୟକ୍ତିଗତ କାରଣ ହେତୁ ଚଳିତ ବର୍ଷ ଆଇପିଏଲ୍ ଖେଳିବେ ନାହିଁ ହରଭଜନ ଟ୍ୱିଟ୍ କରି କହିଛନ୍ତି । ସେ ଆହୁରି କହିଛନ୍ତି ଯେ, ଏହା କଷ୍ଟକର ସମୟ ଏବଂ ମୁଁ ମୋ ପରିବାର ସହିତ ସମୟ ବିତାଇବା ସହିତ କିଛି ଗୋପନୀୟତା ଆଶା କରିବି। ସିଏସକେ ପରିଚାଳନା ସଦସ୍ୟ ଅତ୍ୟନ୍ତ ସହାୟକ ହୋଇଛନ୍ତି ଏବଂ ମୁଁ ସେମାନଙ୍କ ଭଲ ଆଇପିଏଲ୍ ପ୍ରଦର୍ଶନ କାମନା କରୁଛି | ସୁରକ୍ଷିତ ରୁହନ୍ତୁ ଏବଂ ଜୟ ହିନ୍ଦ।
