ଆଜି ସକାଳୁ ଟ୍ବିନସିଟିରେ ମଧ୍ୟମ ଧରଣର ବର୍ଷା, ଶୁକ୍ରବାରରୁ ଶୀତ

ଆଜି ସକାଳୁ ଟ୍ବିନସିଟିରେ ମଧ୍ୟମ ଧରଣର ବର୍ଷା। ପଶ୍ଚିମାଝଡ ପ୍ରଭାବରେ ଉପକୂଳ ଓଡିଶାରେ ବଦଳିଛି ପାଗ । ପୁରୀ, ଖୋର୍ଦ୍ଧା, କଟକ, ଜଗତସିଂହପୁର, କେନ୍ଦ୍ରାପଡା, ଯାଜପୁର, ନୟାଗଡ଼, ଅନୁଗୁଳ, ଢେଙ୍କାନାଳ, ବାଲେଶ୍ବର ଏବଂ ଭଦ୍ରକ ରେ କୋହଲା ପାଗ । କିଛି ଦିନ ହେଲେ ଶୀତରେ ବ୍ରେକ ଲଗାଇଛି ପଶ୍ଚିମାଝଡ । ଡିସେମ୍ବର ମାସ ଅଧା ହେବାକୁ ବସିଲାଣି ହାଡଭଙ୍ଗା ଶୀତ ଛାଡନ୍ତୁ ରାଜ୍ୟରେ ସାମାନ୍ୟ ଶୀତ ଅନୁଭୂତ ହେଉନି । ବଙ୍ଗୋପସାଗରରୁ ରାଜ୍ୟକୁ ବହୁଛି ଜଳୀୟବାସ୍ପ ପୂର୍ଣ୍ଣ ବାୟୁ । ଯାହାର ପ୍ରଭାବରେ ସର୍ବନିମ୍ନ ତାପମାତ୍ରା ସ୍ବାଭାବିକ ଠାରୁ ଯଥେଷ୍ଟ ଅଧିକ ରହୁଛି । କିନ୍ତୁ ଆସନ୍ତା ଶୁକ୍ରବାର ଠାରୁ ରାଜ୍ୟରେ କମିବ ତାପମାତ୍ରା ।