ଦୁବାଇ ୧୦।୧୧: ମୁମ୍ବାଇ ଇଣ୍ଡିଆନ୍ସ ପଞ୍ଚମ ଥର ପାଇଁ ଆଇପିଏଲ ଟାଇଟଲ ଜିତିଛି। ରୋହିତଙ୍କ ଦଳ ପ୍ରଥମ ଥର ପାଇଁ ଦିଲ୍ଲୀ ରାଜଧାନୀକୁ ୫ ୱିକେଟରେ ପରାସ୍ତ କରିଛି। ଏହି କ୍ଷତି ଦିଲ୍ଲୀ ସହିତ ଏକ ଅବାଞ୍ଛିତ ରେକର୍ଡ ଯୋଡିଛି | ୧୩ତମ ସଂସ୍କରଣରେ ପ୍ରଥମ ଥର ଫାଇନାଲରେ ପ୍ରବେଶ କରି ଟ୍ରଫି ଜିତିବାର ଦିଲ୍ଲୀ କ୍ୟାପିଟାଲ୍ସର ସ୍ଵପ୍ନ ଧୂଳିସାତ ହୋଇଛି।
ମୁମ୍ଵାଇ ଇଣ୍ଡିଆନ୍ସ କ୍ରମାଗତ ଦ୍ଵିତୀୟ ବର୍ଷ ଟ୍ରଫି ନିଜ ନାମରେ କରିଛି। ଏହା ପୂର୍ବରୁ ଦଳ ୨୦୧୩, ୨୦୧୫, ୨୦୧୭ ଓ ୨୦୧୯ ସଂସ୍କରଣରେ ଚମ୍ପିଆନ ହୋଇଥିଲା। ଶ୍ରେୟସ ଆୟରଙ୍କ ନେତୃତ୍ଵାଧୀନ ଯୁବ ଟିମ୍ କ୍ଵାଲିଫାୟର-୨ରେ ସନରାଇଜର୍ସ ହାଇଦ୍ରାବାଦକୁ ପରାସ୍ତ କରି ପ୍ରଥମ ଥର ଫାଇନାଲରେ ପ୍ରବେଶ କରିଥିଲା
ଫାଇନାଲ ପ୍ରଥମେ ବ୍ୟାଟିଂ କରି ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଶ୍ରେୟସ ଆୟରଙ୍କ ଅପରାଜିତ ୬୫ ରନ ଓ ଋଷଭ ପନ୍ତଙ୍କ ୫୬ ରନର ଉପଯୋଗୀ ଇନିଂସ ବଳରେ ନିର୍ଦ୍ଧାରିତ ଓଭରରେ ୭ ଓ୍ଵିକେଟ୍ ହରାଇ ୧୫୬ ରନ କରିଥିଲା। ଜବାବରେ ମୁମ୍ବାଇ ଇଣ୍ଡିଆନ୍ସ ଅଧିନାୟକ ରୋହିତ ଶର୍ମାଙ୍କ ୬୮ ରନର ଇନିଂସ ବଳରେ ୧୮.୪ ଓଭରରେ ୫ ଓ୍ଵିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରିଛି। ଇଶାନ କିଷନ ୩୩ ରନର ଅପରାଜିତ ଉପଯୋଗୀ ଇନିଂସ ଖେଳିଥିଲେ। ଷଷ୍ଠ ଥର ଫାଇନାଲରେ ପ୍ରବେଶ କରିଥିବା ମୁମ୍ବାଇ ଇଣ୍ଡିଆନ୍ସ ପଞ୍ଚମ ଥର ଆଇପିଏଲ ଟ୍ରଫି ଜିତିବାରେ ସଫଳ ହୋଇଛି। ୨୦୧୯ରେ ମୁମ୍ବାଇ ଚେନ୍ନାଇ ସୁପରକିଙ୍ଗ୍ସକୁ ମାତ୍ ଦେଇ ଚତୁର୍ଥ ଥର ଚମ୍ପିଆନ ହୋଇଥିଲା।
୧୫୭ ରନର ବିଜୟ ଲକ୍ଷ୍ୟକୁ ପିଛା କରିଥିବା ମୁମ୍ବାଇ ଇଣ୍ଡିଆନ୍ସ ଆରମ୍ଭରୁ ଦ୍ରୁତ ବ୍ୟାଟିଂ କରିଥିଲା। ଦୁଇ ଓପନର ଅଧିନାୟକ ରୋହିତ ଶର୍ମା ଓ ଡି କକ୍ ୪.୧ ଓଭରରେ ୪୫ ରନ ଯୋଡିଥିଲେ। ଡି କକ୍ ୧୨ ବଲରୁ ୩ ଚୌକା ଓ ୧ ଛକା ସହ ୨୦ ରନ କରି ଷ୍ଟୋଇନ୍ସଙ୍କ ବଲରେ ଆଉଟ୍ ହୋଇଥିଲେ। ଏହା ପରେ ରୋହିତ ଓ ସୂର୍ଯ୍ୟକୁମାର ଯାଦବ ଓଭର ପିଛା ୯ ରନ ସଂଗ୍ରହ କରି ସ୍କୋରକୁ ୯୦ ରନରେ ପହଞ୍ଚାଇଥିଲେ। ହେଲେ ଭୁଲ ବୁଝାମଣା କାରଣରୁ ସୂର୍ଯ୍ୟକୁମାର ଯାଦବ ରୋହିତ ଶର୍ମାଙ୍କୁ ବଞ୍ଚାଇବାକୁ ଯାଇ ନିଜେ ଆଉଟ୍ ହୋଇଥିଲେ। ସେ ୧୯ ରନ କରି ବିଦାୟ ନେଇଥିଲେ। ଦୁଇ ବ୍ୟାଟସମ୍ୟାନ ଦ୍ଵିତୀୟ ଓ୍ଵିକେଟ୍ରେ ୪୫ ରନ ଯୋଡି ଦଳ ପାଇଁ ବିଜୟର ମୂଳଦୁଆ ପକାଇଥିଲେ।
