ଭୁବନେଶ୍ବର ସହରରେ ମେ ୨୧ ମଧ୍ୟାହ୍ନ ୧୧.୪୩ ରେ ଶୁନ୍ୟ ଛାୟା ଦେଖାଯିବ। ସେହିପରି କଟକ ସହରରେ ମେ ୨୨ ମଧାହ୍ନ ୧୧.୪୩ ରେ ଶୂନ୍ୟ ଛାୟା ଦେଖାଯିବ। ଏହିପରି ରାଜ୍ୟର ବିଭିନ୍ନ ସ୍ଥାନରେ ଶୂନ୍ୟ ଛାୟାର ତାରିଖ ଓ ସମୟ ଅଲଗା ହେବ। ଏହି ସମୟରେ ସୂର୍ଯ୍ୟ ଠିକ ମୁଣ୍ଡ ଉପରେ ରହିବ ଓ ସେ ସମୟରେ ଯେକୌଣସି ଲମ୍ବ ଆକାରର ବସ୍ତୁର ବିଲକୁଲ ଛାଇ ଦେଖାଯିବା ନାହିଁ । ଏହି ଘଟଣାକୁ ଜ୍ୟୋତିର୍ବିଜ୍ଞାନୀ ମାନେ ଶୂନ୍ୟ ଛାୟା ଦିବସ ବା ଜିରୋ ସ୍ୟାଡୋ ଡେ ରୂପେ ନାମିତ କରିଛନ୍ତି । ଏହାକୁ ଦେଖିବା ପାଇଁ କୌଣସି ଯନ୍ତ୍ରପାତିର ଆବଶ୍ୟକ ନାହିଁ । ଏକ ସମତଳ ଜାଗାରେ ଖୁଣ୍ଟ, ଚାରିକୋଣିଆବାକ୍ସ, ବୋତଲ, ଇଟା, ଭଳି କିଛି ଜିନିଷ ଖରା ପଡୁଥିବା ସ୍ଥାନରେ ଲମ୍ବ ଭାବରେ ରଖନ୍ତୁ ଓ ନିର୍ଦ୍ଧାରିତ ତାରିଖ ଦିନ ମଧ୍ୟାହ୍ନ ର କିଛି ସମୟ ପୂର୍ବ ରୁ ଲକ୍ଷ କରନ୍ତୁ କିପରିବସ୍ତୁଟିର ଛାୟା ଧୀରେ ଧୀରେ ଛୋଟ ହୋଇ ଉଭେଇଯାଉଛି ଓ ପୁଣି କିଛି ସମୟ ପରେ ଧୀରେ ଧୀରେ ଦେଖାଯାଉଛି । ସମସ୍ତ ଭୁବନେଶ୍ବର ଓ କଟକ ବାସୀ ଙ୍କୁ ବିଶେଷ କରି ଛାତ୍ରୀ-ଛାତ୍ର ମାନଙ୍କୁ ନିଜ ନିଜ ଘରେ ଏହାକୁ ଦେଖ୍ ପାଇଁ ଅନୁରୋଧ କରାଯାଇଛି । ଏଥିପାଇଁ ପଠାଣି ସାମନ୍ତ ପ୍ଲାନେଟାରିୟମ ତରଫରୁ ଅନ୍ ଲାଇନ୍ ରେ ଦେଖିବାର ବ୍ୟବସ୍ଥା କରାଯାଇଛି।
