ଧରାପଡ଼ିଲେ ବିଜେପି କର୍ମୀ

ଗଞ୍ଜେଇ ଚାଲାଣ ବେଳେ ଧରାପଡ଼ିଲେ ବିଜେପି କର୍ମୀ । ବାପପୁଅଙ୍କୁ ଗିରଫ କଲା ରିଆମାଳ ଥାନା ପୋଲିସ । ଦେବଗଡ଼ ଜିଲ୍ଲା ଗୁଣ୍ଡିଆପାଲି ପଞ୍ଚାୟତର ବିଜେପି କର୍ମୀ ଦେବେନ୍ଦ୍ର ପ୍ରଧାନ ଓ ତାଙ୍କ ପୁଅ ଦୀର୍ଘଦିନ ଧରି ଗଞ୍ଜେଇ କାରବାର କରୁଥିବା ଅଭିଯୋଗ ହୋଇଥିଲା । ଗାଁ ଲୋକଙ୍କ ବିରୋଧ ସତ୍ତ୍ବେ ଉଭୟ ନିଶା କାରବାର ଜାରି ରଖିଥିଲେ । ଗତକାଲି ବାଇକରେ ଗଞ୍ଜେଇ ନେଇ ଯାଉଥିବାବେଳେ ଉଭୟଙ୍କୁ ଗିରଫ କରିଛି ପୋଲିସ । ତାଙ୍କ ନିକଟରୁ ୧୫ କେଜି ଗଞ୍ଜେଇ ସହ ବାଇକ ଓ ମୋବାଇଲ ଜବତ ହୋଇଛି ।